Bodom mag'izli pechenyeni 15 daqiqada qanday tayyorlash mumkin?

Bodom mag'izli pishiriqlarning ko'plab retseptlari bor. Qoida tariqasida, ularning ko'pchiligi ma'lum mahorat va qobiliyatlarni talab qiladi. Masalan, mashhur fransuz makaron pirojniysi. Aytgancha, biz ularni ham pishirishni o'rganib oldik, ammo bu haqda sizga keyingi safar aytib va ko'rsatamiz beramiz. Hozircha sizning e'tiboringizga farzandlaringiz bilan birga tez tayyorlashingiz mumkin bo'lgan va mazali bodom mag'izli pechenyening retseptini taqdim etamiz! Axir birgalikda ijod qilish, qanday bo‘lishidan qat’i nazar, odamlarni yaqinlashtiradi. Yana bu juda quvonarli va qiziqarli. Umid qilamizki, bu oddiy retsept sizni o'zining ajoyib ta'mi bilan hayratda qoldiradi va sevimli pishiriqlaringiz zaxirasini to'ldiradi

Shunday qilib, sizga kerak bo'ladi:

• "Nuteco Premium" bodom uni - 150 gr.
• shakar kukuni - 100 gr.
• tuxum - 1 dona.
• sariyog '- 50 gr. (yumshatilgan)
• vanillin - 1 paket

Unni shakar kukuni va vanil bilan aralashtiring. Tuxumni sariyog' bilan ko'pirtirib oling. Barcha ingrediyentlarni aralashtiring. Endi namlangan qo'llar bilan o'zingizga ma'qul bo'lgan pechenye hajmida kichik qolip-shakllarni yasab oling. Jarayon davomida kichkina oshpazlaringizni maqtab qo'yishshni unutmang, chunki ular hozir juda harakat qilmoqdalar.

Tovangizni pergament bilan yoping va ustiga pechenyelarni joylashtiring. Pechni oldindan 160° ga qizdirib oling va 15 daqiqa davomida pishiring. Bunda hammasi pechga bog'liq! Ehtimol, sizga 10 daqiqa yetarli bo'lar yoki aksincha 20 daqiqa talab qilinar. Shuning uchun pishirish jarayonini kuzatish muhim(!).

Vaqt o'tdi. Sizning boshingizni aylantiradigan mazali makaronlaringiz tayyor! Yaxshi choy iching, yaqinlaringizni erkalang va xursand bo'ling!